Dagaalo kale oo goos-goos ah ayaa lagu soo waramayaa in maanta mar kale ay ka dheceen deegaannada gobolka Nugaal halkaas oo ay isku horย fadhiyeen ciidamada maamulka Puntland iyo maleeshiyaadka Al-shabaab, waxaana lagu soo waramayaaย in maanta mar kale ay dagaalo goos goos ah ka dheceen deegaannadii la isku hor fadhiyay islamarkaana qasaara fara badan loogu gaystay kooxaha Argagixisada ee deegaanadaasi weerarka ku soo qaaday.
Goob-jooge ku suganaa deegaanadii ay dagaaladu ka dheceen oo la hadlay VOA ayaa sheegay in inka badan 20 maleeshiyaad ah looga dilay dagaalka kooxaha argagixisada ah kuwaaas oo qaar ka mid ah maydadkoodu ay arkeen dadka deegaanka, ciidanka maamulka Puntland ayaa iyaguna dhankooda xaqiijiyay in tira ka tirsan dagaalamayaasha Kooxda argagixisada ah ee Al-shabaab ay ku dileen dagaalkii maanta.
Dagaalo culus ayaa dhacay maalmihii arbacada iyo Khamiista kuwaas oo maamulka Puntland uu sheegay in ay ku dileen tira ka tirsan kooxaha argagixisada ah ee Al-shabaab.
Ugu dambeyn, dagaalada maanta ayaa ku soo beegmaya xilli dowladda dhexe ee Soomaaliya ay gaarsiisay maamulka Puntland Hub iyo Saanado military si ciidanka maamulka Puntland ay ugu kaashadaan dagaalka ay kula jiraan kooxaha argagixisada kuwaas oo markii lagaga adkaatay Koofurta Soomaaliya damcay in ay u wareegaan dhinaca xeebaha ku teetsan Puntland hasa ahaatee maamulkaPuntland oo kaashaneysa shacabkeeda iyo dowladda dhexe waxey soo gabagabeyneysaa damaca kooxahaasi Argagixisada ah.
