Tababarkaan oo ay soo qabanqaabisay hay’adda Adeegyada Beni’aadamnimada iyo Horumarinta ee Ileys (IlEYS HUMANITARIAN AND DEVELOPMENT SERVICES oo kaa shaneysa heyaddaha Qaramada Midoobay ee UNSOM iyo UNICEF , ayaa waxaa ka faa’iidaystay qaybaha kala duwan ee bulshada degmada Hobyo, iyadoo lagu xoojiyay wacyiga iyo fahamka xuquuqda aadanaha.
Furitaanka tababarka waxaa hadalo ka jeediyay Guddoomiyaha Degmada Hobyo Mudane Cusman Axmed Cabdulle iyo Xildhibaan Maxamed Carabey oo ka tirsan Baarlamaanka Dowlad Goboleedka Galmudug. Labbada Mas’uul waxay si cad u muujisay muhiimadda xuquuqda aadanaha iyo doorka ay bulshada ku leeyihiin ilaalinta iyo xoojinta xuquuqul insaanka, Waxay sidoo kale ka hadleen sida tababarku u noqon karo fursad lagu hagaajinayo wacyiga bulshada iyo sidii loo dhisi lahaa bulsho ka warqabta xuquuqda aadanaha.
Related posts
Tababarkan oo socday muddo laba maalmood ah ayaa diiradda lagu saaray arrimaha kala duwan ee xuquuqul insaanka oo ay ugu horeeyaan
_ Fahamka Xuquuqda Aadanaha
– Muhiimadda xuquuqda aadanaha ee bulshada.
– Doorka hay’adaha bulshada iyo dawladda.
– Xadgudubyada xuquuqda aadanaha ee ka jira Soomaaliya.
– Saameynta xadgudubyada ku leeyihiin bulshada.
– Talooyin ku saabsan sida loo hirgelin karo xuquuqda aadanaha.
– Kaalinta dhallinyarada iyo haweenka.
Tababarkan wuxuu ahaa fursad muhiim ah oo lagu xoojiyay wacyiga xuquuqda aadanaha ee bulshada Hobyo. Waxaa la filayaa in ka qaybgalayaashu ay ka faa’iidaystaan aqoontan cusub si ay u horumariyaan xaaladaha bulshada iyo inay ka shaqeeyaan ilaalinta xuquuqda aadanaha. Hay’adda Ileys waxay sii wadi doontaa dadaalladeeda ku aaddan horumarinta iyo wacyigelinta bulshada si loo gaaro bulsho ka warqabta xuquuqdeeda.
Quburada Bixinaysay tababarkaan ayaa waxay kula taliyeen dadka ka qaybgalay tababarka inay u gudbiyaan aqoontooda asxaabtooda iyo bulshada si loo xoojiyo fahamka xuquuqda aadanaha iyo in la dhiso ururro bulsho oo ka shaqeeya ilaalinta xuquuqda aadanaha .
Tababarkan wuxuu caddeeyay in bulshada Hobyo ay diyaar u tahay inay ka shaqeyso horumarinta xuquuqda aadanaha iyo xoojinta nabadda.
