Hay’adda Adeegyada Bani’aadamnimada iyo Horumarinta ee Ileys (IlEYS) ayaa Dagmada Xarardheere ugu soo gabagabeeysay Bulshada Dagmadaasi tababar ku saabsan ilaalinta xuquuqul insaanka
Tababarkaan oo ay fulinayeen Hay’adda adeegyada Beni’aadannimo iyo horumarinta ILEYS oo kaashaneysa Hay’addaha Qaramada Midoobay ee UNSOM iyo UNICEF ,isla markaana socday muddo labo maalmood ah ayaa waxaa ka faa’iideeystay qaar ka mid ah Bulshada ku nool Degmada Xarardheere oo haatan kasoo kabtay dhibaatadii iyo tacadiyadii diin la’aanta ku dhisnaa ee kooxda khawaarijta ee Al shabaab kuwaa oo muddo 15 sano ah dhibaatooyin lid ku ah xuquuqul insaanka halkaasi ka geysanayay
Qaar ka mid ah xubnihii ka qeyb galay tababarka ayaa goobta uu tababarku ka dhacayay ku faah faahiyay Tacadiyadii ka dhacay dagmada Xarardheere iyo Deegaanada Hoostaga
Deeqa Xuseen Cabdi oo ka mid ah gabdhaha reer Xarardheere ayaa ugu horeyn ka warantay tacadiyadii iyo xadgudubyadii ee ay kala kulmeen kooxda gabalkoodu sii dhacaya ee naf la caarigaa ee Al shabaab xiligii ay ku sugnaayeen dagmadaasi waxaana ay sheegtay in ay la kulmeen muddadii ay ku sugneeyd Xarardheere, dil, xarig iyo dhac ay ugeysanayeen Maleeshiyaadka Arxanka Daran ee Khawaarijta Al Shabaab
Quburada bixinaysay tababarkaan ayaa waxay kula taliyeen dadka ka qaybgalay tababarka inay u gudbiyaan aqoontooda bulshada kale si loo xoojiyo fahamka xuquuqda aadanaha iyo in la dhiso Urruro bulsho oo ka shaqeeya ilaalinta xuquuqda aadanaha.
