Shirkadda Dahabshiil ayaa ku guulaysatay laba abaal-marin oo caalami ah, kuna saabsan Maamul Wanaagga Adduunka (Global Good Governance.)
Abaalmarinadan oo ay bixisay hay’adda CambridgeIFA, oo ah hay’ad caalami ah oo ka shaqeysa Maamul Wanaagga Adduunka, ayaa kala ah “Adeegyada ugu Wanaagsan Qurba-joogta” iyo “Xawaaladda ugu Fiican”
Abaalmarintu waxay xaqiijinaysaa in heerarka adeegyada shirkada Dahabshiil gaartay sida xawaaladaha caalamiga ah ee Adduunka, iyagoo bixiya adeegyo fudud, degdeg ah, macaamil ganacsi oo sugan adduunka oo dhan.
Cabdirashiid Ducaale, oo ku hadlayay magaca shirkadda Dahabshiil ayaa u mahadceliyey qaban-qaabiyayaasha sida ay u qireen shaqada ay Dahabshiil qabato.
waxa uu intaa ku daray in hadafka shirkadu yahay inay u fududeyso bulshooyinka jilicsan ee ku nool meelaha fog sidii ay u gaarilahaayeen lacagaha loo soo diro.
Ducaale ayaa u mahadceliyey macaamiisha Dahabshiil, hawlwadeennada, wakiillada iyo taageeradooda joogtada ah, ayna ku faraxsanyihiin abaalmarinta ay ku guuleysteen.
