Xiisad siyaasadeed ayaa ka dhex taagan dalalka Hungary iyo Croatia oo jaar ah kadib markii dalka Croatia uu kumanaan Qaxooti ah soo dhoobay xaduudda dalka Hungary oo horey u xirtay xaduuddii ay la wadaagtay dalka Serbia.
Dalka Croatia ayaa todobaadkan ogolaaday in qaxootigooda ay soo maraan dalkooda kadib markii dalka Hungary oo jaar la ah Serbia iyo Croatia uu xirtay islamarkaana derbi adag uu ka dhisay xaduudda uu la wadaago Serbia.
go’aanka Croatia ayaa wado kale ku furtay Hungary oo ku eedaysay Croatia inay sabab u tahay xiisada kadib markii ay basas iyo Tareeno kusoo qaaday kumanaan qaxooti ah oo ka yimid Serbia kuwaasi oo soo dhexmaray Croatia, kadibna xaduuda kale kasoo galay dalka Hungary.
Go’aanka dowladda Croatia ayaa waddo kale ku furtay Hungary oo ku eedaysay Croatia inay sabab u tahay qaxootiga dalkeeda ku sii qul qulaya, kadib markii ay basas iyo Tareenno kusoo qaadday kumanaan qaxooti ah oo ka yimid Serbia kuwaasi oo soo dhexmaray Croatia,
Dowlada Croatia ayaa ku tilmaamtay go’aanka Hungary ay xaduudda ku xirtay mid khaldan isla markaana looga baahan yahay dalkaasi inuu u fasaxo qaxootiga inay u gudbaan dalalka kale ee Midowga Yurub.
Sidoo kale dalka Slovenia oo xaduud la leh Croatia ayaa walaac ka muujiyey qaxootiga hadda soo galay dalka Croatia oo qaarkood kasoo tilaabay xadka dalka Solvenia.
