Danjiraha cusub dowladda UK ee Soomaaliya Kate Foster ayaa maanta soo gaartay magaalada Muqdisho, waxaana garoonka diyaaradaha ku soo dhaweeyay mas’uuliyiin uu kamid yahay xoghayaha joogtada ah ee wasaaradda arrimaha dibadda Soomaaliya, danjire Maxamed Cali Nuur Xaaji.
Kulan qeybta nasashada ee garoonka diyaaradaha ee Aadan Cabdulle, xoghayaha joogtada ah iyo danjiraha cusub ay ku yeesheen ayay kaga wadahadleen arrimo ay kamid yihiin xoojinta xiriirka labada dal Soomaaliya iyo UK.
Danjire Kate Foster ayaa bedeshay safiirkii UK ee Soomaaliya Ben Fender.
