Danjiraha Dowladda Soomaaliya ay u magacaabday Dalka K/Afrika ayaa soo gaaray Dalkani iyadoo uu socdaalkiisa ku wehliyay Xogyaha labaad ee Safaaradda.
Danjire Jamal Maxamed Barrow ayaa waxaa Gagada Diyaaraha kusoo dhaweeyay Howlwadeenada Safaaradda,madax kasocotay Wasaaradda Arimaha Dibadda K/Afrika iyo Safiirka Jaamacadda Carabta u fadhiya K/Afrika.
Danjire Jamal Maxamed Barrow oo Saxaafadda la hadlay ayaa sheegay in uu dhawaan bilaabi doono waajibaadka horyaalla ee ku saabsan isku xirka labada Dal isagoo baaqna u diray Jaaliyadda Soomaaliyeed ee Dalkani.
โAad ayay u mahadsaniyiin Soo dhaweynta ay ii sameeyeen Howlwadeenada Safaaradda iyo Jaamacadda Carabta,socdaalkaygii la isoo magacaabay illa hadda waa markii iigu horeysay ee aan imaado,hadane waxaan u imid howshii la ii magacaabay iyo waajibadka aan gutto,sida lala socdo Safaaradda howsheeda waxa waaye xiriirka ka dhaxeeyo labada dal inay wanaajiso,tan labaadna waa in ay Safaaradda xuquuqda Jaaliyadda ilaalisoโ
Danjire Jamal Maxamed Barrow ayaa ka mid ah Danjirayaal dhowr ah oo ay u magacaabday qaar ka mid ah Dalalka Caalamka ayadoo uu Danjiruhu la kulmi doono Jaaliyadda Soomaaliyeed ee K/Afrika iyo Madaxweynaha Dalka Mr Jecob Zuma.
C/qaadir Axad,Warbaahinta Qaranka Pretoria
