Safiirka Soomaaliya ee dalka Uganda Danjire Cali Maxamed Maxamuud ( Cali Cagabaruur ) ayaa kulan xog waraysi ah la qaatay ilaa 200 oo arday oo ka mid ah ardayda Soomaaliyeed ee Uganda waxkabarata.
Kulankan oo ay goobjoog ka ahaayeen guddoomiyaha ururka ardayda Soomaaliyeed, 2 guddomiye oo horay usoo qabtay hogaanka ardayda iyo guddoomiyaha jaamacadaha ayaa waxaa halkaas ka hadlay qaar ka mid ah ardayda kulanka kasoo qeyb gashay.
Uqeybsanaha waxbarashada ee safaarada Mudane Liibaan Deerow oo halkaas ka hadlay ayaa ardayda uga digay in ay sameystaan documentiyo been abuur ah ayna ku mutaysan karaan in la xiro kadibna dalka laga dhoofiyo.
Danjire Cali Cagabaruur ayaa ardayda u sheegay in ka shaqeeyaan midnimada
Sidoo kale Danjiraha ayaa ardayda u balan qaaday in marka ay doonaan la kulmi karaan safiirka.
Safiirka Soomaaliya ee dalka Uganda Danjire Cali Maxamed Maxamuud ( Cali Cagabaruur ) ayaa ugu dambeyntii sheegay in doorashadooda xor u yihiin.
Danjiraha Soomaaliya ee dalka Uganda ayaa waday dhawaanahaanba kulamo uu la yeelanayo qeybaha kala duwan ee bulshada Soomaaliyeed ee Uganda ku nool.
