Shirkii dhaqaalaha adduunka oo lagu soo geba gebeeyey magaalada Davos ee Dalka Switzerland ayaa muhiimad gaar ah u lahaa Soomaaliya,iyadoo Ra’iisul Wasaaraha Soomaaliya uu shirkaasi ku soo bandhigay hiigsiga Dowladda oo ay ugu weyntahay in Soomaaliya ay ku soo notoqo saaxada Caalamka iyo in ay dib u soo celiso sumacadii ay ku lahayd Dunida.
Danjiraha Soomaaliya ee Dalka Switzerland Faadumo Cabdullaahi oo u waramaysay Warbaahinta Qaranka ayaa faah faahin ka bixisay waxyaabaha ugu muhiimsan ee shirkaasi ka soo baxay ee quseeya arrimaha Soomaaliya.
Marwo Faadumo Cabdullaahi ayaa sheegtay in madaxdii ka qeybgashay shirkaasi ay muujiyeen in ay diyaar u yihiin maalgashi ay ku sameysataan Soomaaliya,maadaama dalka uu yahay dal Qani ku ah dheyraadka kaladuwan,sida Xoolaha,Badda,iyo beeraha intuba.
“Shirka wuxuu ahaa mid muhiimada gaar ah u lahaa Soomaaliya,waxaan ku cadaynay in Soomaaliya ay dib ugu soo laabatay saaxadda Caalamka, ayna arkaan madadxad dowlado badan warbixinada ku saabsan xaaladda dalka,waxaan u sheegnay in aan u imaanin shirkaasi in aan kaalmo weyydiisano,balse waxaan u sheegnay in aan diyaar u nahay in maalgashi iyo horumar laga sameeyo dalka”, ayay Danjire Safiir Faadumo.
Ra’iisul Wasaaraha Xukuumadda Federaalka Soomaaliya mudane Xasan Cali Khayre oo khudbad ka jeediyay shirkaasi ayay sheegtay Danjire Faadumo C/laahi in uu ku soo bandhigay waxyabaha u qabsoomay Dowladda Soomaaliya iyo yoolka ay hiigsanayso,waxayna sheegtay in ay madaxdii caalamku ay ku qanceen warbixinta halkaasi uu ku soo bandhigay Ra’iisul Wasaaraha Soomaaliya.
Halkan ka dhageyso Wareysiga oo dhameystiran oo ay qaaday Wariye Aamino Axmed Cali (Aamina Ladan)
