Dajiraha Soomaaliya u fadhiya Dalka Turkiga Danjire Maxamed Mursal Sheekh ayaa maanta booqdey qaar ka mid ah Jaamacadaha ku yaala caasimada wadanka Turkiga ee Ankara, waxaana ka mid ahaa Jaamacadihii uu booqdey Danjiraha Atılım University oo ka mid ah Jaamacadaha ugu waaweyn wadankaasi.
Danjire Mursal ayaa waxaa Jaamacadda ku soo dhoweeyey hogaamiyaha Jaamacadda Prof. Abdurrahim Ozgenoglu iyo weliba Dr. Barish Yeshilbash oo ah madaxa Ardeyda Ajaaniibta.
Danjiraha ayaa ku sheegey booqashadiisa in uu dhiiri gelin uu ugu sameynayo Ardeyda Soomaaliyeed ee wax ka barata Jaamacadaha wadanka Turkiga, si kor loogu qaado muraalka iyo niyada Ardeyda Soomaalida ee wax ka barata halkaasi.
Dajiraha iyo Madaxdii Jaamacadaha ee uu la kulmay waxa ay si weyn uga wada hadleen in la dar dargeliyo waxbarashada Ardeyda Soomaalida ah ee wadanka Turkiga u imaanaya, iyo sidii loo sameyn lahaa xiriir Jaamacadeed oo dhexmara Jaamacadaha dalka Turkiga ku yaalla iyo kuwa gudaha Soomaaliya ku yaalla.
Jaamacada Atilim ayaa waxaa dhigata Aradey Soomaaliyeed oo kor u dhaafaya 20, kusaawsi oo qarkood diyaarinaya Shahaadada heerka labaad ee Jaamacadda ee loo yaqaan Master-ka
“Waxaan aad ugu faraxsanahay maanta in uu Jaamacadeena nagu soo booqdo Safiirkeena noo fadhiya Wadankan” ayuu yiri Sahal Sheekh Maxamed Axmed (Kashka) oo ka mid ah Ardeyda Masterka ka dhigata Atılım University
Danjiraha ayaa waxaa uu guddoonsiiyey Madaxa Jaamacadda Prof Abdurrhim Ozgenoglu hadiyad uu ugu talo galey, Jaamacadda.
Danjiraha ayaa waxaa booqashadiisa ku wehelinayey Xoghayaha labaad ee Safaaradda Md Cabdulqaadir Maxamed Xuseen Barkhadle.
Ali Moalinm Isak
Wakiilka Warbaahinta Qaranka ee Wadanka Turkey
