Danjiraha dowladda Swedan ee Soomaaliya, Mikael Lindvall, ayaa kulan la yeeshay agaasimaha guud ee hey’adda Socdaalka iyo Jinsiyadda (HSJ) Soomaaliya gaashaanle sare Maxamed Aadan Jimcaale Koofi.
Kulanka labada mas’uul oo ka dhacay magaalada Muqdisho, ayaa waxa ay ka wada hadleen sidii loo xoojin lahaa xariirka labada dowladood gaar ahaan dhanka socdaalka iyo sidii dowlada Swedan u aqoosan laheyd basaboorka Soomaaliga si muwaadiniinta Soomaliyeed ay ugu tagaan dalka Swedan.
Safiirka Swedan Mikael Lindvall, ayaa aqbalay labada arimaha ay ka wada hadleen Agaasimaha guud HSJ, waxaana uu sheegay in uu la wadaagi doono madaxda ugu sareysa dalka Swedan, ayna ugu horeyn ka shaqeyn doonaan aqoonsiga basaboorka Soomaaliga ah.
