Safiirka Soomaaliya ee Dalka Suudaan Mudane Maxamed Cabdulaahi Ugaas Faarax oo ku hadlaya magaciisa iyo magaca Diblumaasyiyiinta ka howlgasha Safaaradda, waxa uu uga tacsiyeeyay Umadda Soomaaliyeed geeridii naxdinta lahayd ee ku timid Allaha u naxariistee Marxuum Cabdulaahi Xasan Maxamuud oo maanta u geeriyooday xanuun uu muddo bil iyo bar ah la jiifay.
Danjire Maxamed Ugaas ayaa sheegay in Safiirka uu ahaa Diplumaasi u Soomaaliyeed oo ka shaqeeyay xariirka wanaagsan ee ka dhaxeeya Soomaaliya iyo wadamada Carabta.
Dhanka kale Safiirka Safaaradda Soomaaliya ee Dalka Kuwait Danjire Cabdiqaadir Amiin Sheekh oo isagana qoraal kasoo saaray ku aadan Tacsida Marxuumka ayaa waxa uu uga tacsiyeeyay Wasaaradda Arrimaha Dibadda oo ay ka wada tirsanaayeen, Dhamaan Shacabka Soomaaliyeed, iyo Eheladii iyo qaraabadii uu marxuumka ka tagay.
Danjire Cabdiqaadir Amiin Sheekh ayaa sheegay in Marxuumka uu waqtigiisa u huray u adeegidda shacabka Soomaaliyeed hadii ay ahaan lahayd dhinaca Waxbarashada, iyo Diplumaasiyadda intaba.
Marxuumka ayaa ka mid ahaa Diblumaasiyiinta Soomaaliyeed kuwooda ugu waa wayn oo wax badan lagu xasuusan doono kaalintii uu ka qaatay isku xirka Soomaaliya iyo Carabta.
