Danjiraha Jamhuuriyadda Federaalka Soomaaliya ee dalka Ethiopia Mudane Cabdullaahi Maxamed Warfaa ayaa kulan looga wada hadlay qodobo dhowr ah oo salka ku haya arrimaha Diblomaasiyadda waxa uu la qaatay ku simaha Safiirka Mozambique ee dalka Ethiopia Mudane Sergio Balio.
Kulankan oo ka dhacay Safaaradda Mozambique ee Addis Ababa ayay labada mas’uul uga wada hadleen xoojinta xiriirka labada dal iyo adkaynta iskaashiga wadajirka ah si horumaro badan looga gaaro dhinacyada Dawlad wanaaga, ammaanka iyo ganacsiga.
Danjire Warfaa, ayaa si gaar ah ugu adkeeyey Ambassador Balio muhiimadda ay Dawladda Soomaaliya u leedahay in ay xasilooni iyo ixtiraam joogto ah ku noolaadaan Jaaliyadda Soomaaliyeed ee dalkaasi Mozambique, oo awood dhaqaale iyo mid bulsho intuba kusoo kordhiyay dalkaas.
