Cabdi Caadil Maxamed Xuseen Waxa uu ahaa Camera man kamid ah xirfadlayaasha soomaaliyeed ee ka howlagala xaafada islii ee magaalada Nairobi,hadana waa dhibane waxana uu mudo gaareysa 2 bilood la il darnaa dhaawacyo kala duwan oo ay soo gaarsiisay quwada korontada xili uu ku gudo jiray howl maalmeedkiisa shaqo, waxaana maanta ku soo booqday isbitaalka ladnaan ee xaafada Islii danjiraha dowlada soomaaliya u fadhiya dalkani kenya Amb Maxamed Cali Nuur Americo oo deeq lacageed gudoonsiiyay.
Ugu horeyn waxaa warbaahinta uga warbixiyey qaabka uu shilkani u dhacay iyo xaalada uu haatan ku suganyahay wiilkeeda Sahra Siciid Qeyre oo ah hooyada dhashay Dhibanahan soomaaliyeed,iyado sheegtay in ay tahay maalintii koobaad ee uu cunto cuno si toos ahna uu u hadlo wiilkooda tan iyo intii shilku soo gaaray.
Danjiraha dowlada soomaaliya u fadhiya dalkani kenya Amb Maxamed Cali Nuur Americo ayaa gudoonsiiyey deeq lacageed waalidiinta dhalay dhibanahan,isagoo ugu baaqay mas’uuliyiinta iyo ganacsatada soomaaliyeed ee ku nool daafaha caalamka in ay ka qayb qaataan sidii isbitaalka looga saari lahaa dhibanahan soomaaliyeed oo haatan lagu leeyahay lacag gaareysa 2000 oo kenya shilin ah taasi oo aysan awoodin qoyska uu kasoo jeedo dhibanahan soomaaliyeed.
C/raxmaan Cumar Cabdi ( C/raxmaan Somali )
Warbaahinta Qaranka Nairobi
