Safiirka Soomaaliya ee dalka Kenya Danjire Jabriil Ibraahim Cabdulle ayaa maanta kulan la qaatay Michal Mlynár oo ah kaaliyaha Xoghayaha Guud ee Qaramada Midoobay, isla markaana ah Agaasimaha ku meelgaarka ah ee Hay’adda UN-Habitat.
Hay’adda UN-Habitat ayaa ka shaqaynaysay Soomaaliya muddo ka badan 30 sano, iyada oo dadka Soomaaliyeed ka taageereysay barnaamijyada lagu taageerayo dhismaha maamulka deegaannada, ka qayb-qaadashada arrimaha sare loogu qaadayo nolosha dadka Soomaaliyeed, horumarinta magaalooyinka iyo guud ahaan barnaamijyada lagu adkeynayo nabada ka ambaqaaday dalka Soomaaliya.
