Safaaradda Soomaaliya iyo Maamulka suuqa weyn ee BBS Mall ayaa kulan casho sagootin ah u sameeyay guddi farsamo oo ka socday Urur Gobolleedka Iskaashiga Dhaqaalaha Bariga Afrika ee EAC.
Guddigaan ayaa qayb ka ahaa shirarka iyo qorshaha lagu dardar galinayo ku biiritaanka Soomaaliya ee ay ku biirtay ururka EAC.
Kulanka cashada ayaa waxaa ka hadlay Agaasimaha Guud ee suuqa BBS MALL, Mudane Munir Axmad oo warbixin buuxda ka bixiyay suuqa cusub iyo wajiyada uu soo maray dhismaha suuqa iyo qorsho-yaasha lagu kordhin doono mustaqbalka dhaw.
Waxaa sido kale ka hadlay kulankaas Danjire Jabriil Ibraahim Cabdulle Danjiraha ayaa uga mahadcelinay Guddiga shaqadii muddada soo socotay oo lagu soo dhaweeyanayo ku biiritaanka ay Soomaaliya ku biirtay Urur Gobolleedka Iskaashiga Dhaqaalaha Bariga Afrika.
Ugu dambeeyntii waxaa isna xaflada ka hadlay Xildhibaan Yuusuf Xasan oo laga soo doorto deegaanka Kamankunji oo ah deegaan ay ku badan yihiin dadka Soomaalida. Xildhibaan Yuusuf ayaa ku soo dhaweeyay wafdiga suuqa BBS Mall iyo xaafadda Eastleigh.
