Danjire Jabriil Ibraahim Cabdulle ayaa xurunta Safaraadda Soomaaliya ee magaalada Nairobi ku qaabilay wafdi ka socday hay’adda Xiriirka Caalamiga ah ee Laanqeyrta Cas iyo Bisha Cas (IFRC). Wafdigaan ayaa waxaa hoggaaminayay Agaasimaha qeybta Afrika, Mohammed Omer Mukhier.
Kulanka ka dhacay xarunta Safaaradda ayaa waxaa diiradda lagu saaray hawlaha ay hay’addaha Xiriirka Caalamiga ah ee Laanqeyrta Cas iyo Bisha Cas ee Soomaaliyeed ka wadaan gudaha dalka Soomaaliya.
Waxaa sidoo kaloo looga hadlay kulanka qaababka ugu sahlan ee hay’adahaas loogu fududeyn lahaa fulinta howlaha bani’aadminimo oo ay ka wadaan dalka Soomaaliya.
Waxaan sidoo kale dib u eegis lagu sameeyay arrimaha degdega ah ee soo foodsaaray dadka Soomaaliyeed, oo ay ka mid yihiin xasaradaha beni’aadmino ee ka dhashay isbadalka cimilada, caafimaadka iyo sugnaanta cuntada.
Danjire Jabriil Ibraahim Cabdulle ayaa uga mahadcaliyay madaxda hay’adahaas taakuleynta iyo gargaarka joogtada ah oo ay u fidiyaan shacabka Soomaaliyeed
