Ciyaaryahankii khadka dhexe uga ciyaarayay kooxda Manchester United Darren Fletcher ayaa ku biiray kooxda West Bromwich Albion.
Ciyaaryahan Fletcher oo 31-jir ah ayaa sedax sano iyo bar qandaraas ah u saxiixay kooxda West Bromwich Albion.
Ciyaaryahan Fletcher ayaa daqiiqadihii ugu danbeeyay ee suuqa kala iibsiga ciyaartoyda ee dalka ingiriiska ku biiray kooxda West Bromwich.
Heshiiska rasmiga ah ee ciyaaryahan Fletcher ayaa waxa uu yahay labo sano iyo bar,waxana u furan in marka uu dhamaado heshiiska uu saxiixo 12-bilood oo dheeraad ah.
Kooxda West Ham United ayaa waxa ay dooneysay in ay la soo wareegto ciyaaryahan Fletcher,laakin wada hadalkii u dhaxeeyay labada dhinac ayaa guul dareystay,kadib markii tababaraha kooxda West Ham Sam Allardyce uu isku dayay in uu heshiis ka dhigo mid amaah ah.
Ciyaaryahan Darren Fletcher ayaa 342-kulan u saftay mudadii ku dhawaan 20sano aheyd oo uu ka ciyaarayay garoonka kooxda Manchester United ee Old Trafford.
