Dawladda Soomaaliya ayaa ku taamaysa in la soo saaro shidaalka dalka marka la gaaro sanadka 2020-ka.
Wasiirka Batrolka iyo Macdanta ee Xukuumadda Federaalka Soomaaliya Mudane Cabdirashiid Maxamed Axmed ayaa xusay in ku talagalka dawladdu yahay in sida ugu macquulsan loo baaro shidaalka loona soo saaro, si ay uga faa’iideystaan bulshada Soomaaliyeed.
Dhinaca kale Wasiirka ayaa ka codsaday Baarlamaanka dalka in la meel mariyo sharciyada khuseeya shidaalka, si loo dhiso hay’adaha Qaran ee lagama-maarmaanka u ah in shidaalka la soo saaro.
