Ciidanka amaanka dawlada goboleedka Jubbaland oo taageero ka helayo kuwa AMISOM ayaan manta oo jimco ah kala wareegay Al-Shabaab deegaanka Beer-Xaano oo u dhaw magaalada Kismayo ee xarunta gobalka Jubbada hoose.
Bayaan ka soo baxay maamulka Jubbaland ayaa lagu sheegay in Beer-Xaano ay maleeshiyaadka Shabaab u ahayd meel ay ku kaydsadaan hubka, isla markaana u eheed gabaadna, balse kusoo dhacday Maanta gacanta ciidanka huwanta ah ee hawl-kaas fuliyey.
Qabashada deegaanka ka dib, saraakiisha hogaaminaysay hawl-galka, waxaa ay kullan la qaataan odayaasha dhaqanka iyo bulshada ku nool halkaasi, waxaana ay u xaqiijiyeen in ay ka shaqeeynayaa nabbadda iyo bedqabkooda.
Hawl-galkan ayaa imaanaya 24 saac kadib markii weerar dhanka ciidanka lagula bartilmaameedsaday maleeshiyaadka Shabaab Buula-guud oo khiyaastii 30 km dhanka woqooyi uga aadan magaalada Kismayo ee xarunta u ah Jubbaland.
