Waxaa maanta degan xaladda guud ee deegaanka Shabeellow iyo deegaano kale oo ku hareereysan deegaankaasi oo shalay dagaal ku dhex maray maleeshiyaadka Argagixisada Al-shabaab iyo dadka deeganka oo u dulqaadan waayay dhibaatada ba’an oo ay ku haayeen dadka shacabka ah .
Argagixisada ayaa shalay weerar ku qaaday dadka shacabka ah ee ku nool deegaanka Shabeellow ayagoo rabay in ay dhac iyo boob ku sameeyaan hantidooda balse dadka deegaanka ayaa iska caabiyay, waxeyna ku dileen 10 ka tirsan maleeshiyaadka,sidoo kale waxa ay ka furteen hub fara badan oo ay rabeen in ay dadka shacabka ah ku dhibaateeyaan, waxaana deegaanka si buuxda gacanta ugu haya dadka degaanka ah ee dagan, sida ay sheegeen goobjoogayaal ku sugan deegaanka.
Dhanka kale ciidanka xoogga dalka ayaa ku wajahan deegaanka Shabeellow iyo deegaannada ku dhow dhow si ay garab usiiyaan dadka rayidka ah ee dagaalka kula jira nabad diidka Al-shabaab sida ay sheegeen saraakiil ka tirsan ciidanka Danab qeybtooda Galmdug.
Shacabka deegaannada ay dagaalladu ka dhaceen ayaa markii ay u dulqaadan waayeen lacagaha baadda ah iyo xoolaha ay argagaxisadu ka qaadan jirtay iyo qafaalashada carruurtooda waxey isku abaabuleen la dagaalanka maleeshiyada waxeyna gaarsiiyeen jab xooggan.
