Munaasabad aad u sareyso ay soo qaban qaabiyeen URURKA SAAD taas oo isugu jirtay dhagax dhig xarun caafimaad, furitaan Ceel Biyood iyo furitaanka Sanad dugsiyadeedka 2016-2017 ee Dugsiga Hoose Dhexe ee Warjirow aya lagu qabtay deegaanka Waljirow ee degmada Balcad.
Munaasabada waxaa ka soo qeyb galay Xilibaano ka tirsan Dowladda Federaalka ah ee Soomaaliya, oo ay ka mid ahayeen Xilibaan Qaasin Cali Nuur, Xilibaan Xasan Macalin iyo Xiibaan Xaliimo Xasan Cumar, Ugaas Maxamuud Cali Ugaas, Malaaqa Xamar iyo Xamardaye Malaaq Cali Malaaq Maxamed Malaaq Wehliye, Dr Maxamuud Shire, Gudoomiyaha Dagmada Balcad Maxamed Maxamuud Saneey Gudoomiye ku-xigeenada Degmooyinka Heliwaa iyo Dayniile Abshir Kaaraan iyo Axmednuur Adeerow, Wakiilka Duqa magalaada Muqdisho Xasan Cali Xasan iyo lataliyaha Duqa Muqdisho Bakiin Maaxi Macalin.
Guddoomiyaha Haweenka Gobolka Banaadir Jawaahir Baarqab Gudoomiyaha Dhallinyaada Gobolka Banaadir Cabdikaafi Maxamuud Makaraan, Maamo Sahro oo kasocotay Haweenka Qaranka Soomaaliyeed, Xabiibo Maxamed Xasan (Gadafey) oo kasocotay qurba joogta Soomaaliyeed, Gudoomiyaha Somali Asal Foundation Maxamed Shariif Maxamed, Gudoomiyaha Ururka Hoseedka Nabada Maxamed Axmed Taagane, Sheekh Cali Fanax , Ibraahim Foodey Xasan Maxamed, Cumar Yariis Ustaad Maxamed Xasan Hareed iyo Liin Xasan Maxamed oo ah gabadha hirgilisay Iskoolka warjirow. dhamaan dadki ka hadlay xafladaas ayaa u mahad celiyay intii gacan ka geeystay horumarka ka socda deegaankaas.
gabagabadii URURKA SAAD ayaa ugartatay Drs Maamo Liin Xasan oo ah shaqsi ku dayasho mudan, ayagoo gudoonsiiyay Shahaado Sharaf, waxaana gudoonsiiyay Guddoomiyaha URURKA SAAD Mr Xasan Cumar Cismaan (Xasan Juungal) waxaa kale aa Shahaado Sharaf lagudoonsiiyay Macalin kamid ah macalimiinta Jaamacadaha Soomaaliya Ustaad Maxamed Xasan Cismaan (Ustaad Xabeeb) sida hagar la’aanta ah oo ula shaqeeyay URURKA SAAD waxaana gudoonsiisay Xoghayaha Caafimaadka URURKA SAAD Drs Fartuun Axmed Cumar waxaa sidoo kale SAAD geysay Iskoolka Agab waxbarasho oo qeyb kamid ah usoo wakiishay Ganacsade Giirey qeybta kalana ay ku dareen URURKA SAAD waxaana hadiyado lagudoonsiiyay Ardayda kaalmaha galeen waxeyna ku soo dhamaatay Guul.
