Wafdi ka socda dawladda federaalka oo hoggaaminayo Xildhibaan Maxamuud Cali Magan iyo mas’uuliyiin ka socota safaaradda Turkiga ee Soomaaliya ayaa maanta gaaray degmada Baardheere ee gobolka Gedo.
Mas’uuliyiinta ayaa markii ay halkaas gaareen waxaa ay booqdeen xeryaha ay ku nool yihiin dadka ka soo barabaxay abaaraha ka jira gobolka iyo deegaanada ku dhow dhow, ayagoo sidoo kale kulan la yeeshey maamulka degmada oo ka wareystay xaaladda degmada iyo sida ay abaarta u saameysay dadka ku dhaqan deegaanada hoos yimaada degmadaas.
Xubnaha wefdiga ay u kuurgaleen xaaladda dadka uu soo ritay cudurka shuban biyoodka ee lagu daweynaayo isbitaalka degmada Baardheer, waxayna maamulka isbitaalka ku wareejiyeen deeq dawo ah oo dhan hal tone iyo sadex boqol taas oo ay ku tabaruceen dad muxsiniin Turki ah.
