Hay’adda Somali Relief network of North America ayaa deeq hilib ah oo lagu soo gabo gabeynayay munaasabadda ciidul adxa awgeed u qeybisay saddex boqol oo qoys oo ku nool degmada Afgooye ee gobolka Shabeelaha Hoose.
Hay’adda ayaa xoolaha ay hibil ahaanta u qeybisay qoysaskan waxa ay isugu jireen ari iyo wanan oo ka kooban boqol neef iyo hal neef oo lo’, ah, kaasi oo ay ka faa’iideysteen dadweyne aad u fara badan oo ku nool degmada Afgooye iyo deegaannada kale ee ku teegsan degmada.
Wakiilka hay’adda Ibraahin Cismaan Cabdalla ayaa sheegay in deeqdan ay tahay mid ka timid Madaxa Hay’adda Somali Relief network of North America Aadam Maxamed Ciise oo shacabka degmada Afgooye ugu talalgaly in la gaarsiiyo deeqdan hilibka ah, waxaana uu intaa ku daray inay ka go’antahay sidii ay wax ugu qaban lahaayeen bulshada kuwooda tabaaleysan.
Qaar ka mid ah dadkii loo qeybiyay hilibka ayaa waxa ka mahadceliyeen deeqda hilibka ah ee la guddoonsiiyay, iyagoo xusay inay ku soo beegantahay xilli loo baahnaa.
