Deeqdan lacageed oo gaareysa 10,000 oo dollar kana timid Madaxweynaha Jamhuuriyadda Jabuuti Mudane Ismaaciil Cumar Geelle ayaa maanta safiirka Jabuuti u fadhiya Soomaaliya waxa uu ku warejiyay Wasiir dowlaha Wasaaradda arrimaha gudaha Xukuumadda Soomaaliya.
Deeqdan lacageed ayaa dowladda Jabuuti waxa ay ugu talagashay in la gaarsiyo dadka ku dhaqan deegano hoosyimada Maamulka Jubbaland oo ay abaari ka jirto
Safiirka Jabuuti u fadhiya Soomaaliya Mudane Aadan Xasan Aadan ayaa sheegay in deeqdan ka timid Madaxweynaha Jabuuti ay tahay mid loogu talagalay abaaraha saaameyay dadka iyo duunyada ku dhaqan qeybo ka mid ah Jubbooyinka, isagoo sidoo kale ugu baaqay safaaradaha kale ee ku sugan Soomaaliya iyo ganacsatada Jabuuti in ay ka qeyb qaatan gar gaarka loo sameenyo dadka ay abaaruhu saameyen.
Wasiirudowlaha Wasaaradda arrimaha gudaha iyo Federaalka ah ee Xukuumadda Soomaaliya Cabdirashiid Maxamed Xidig ayaa sheegay inay wax badan ka teri doonto deeqdan lacageed abaaraha ka jira qeybo ka mid ah Jubbooyinka, isagoo sidoo kale u mahadceliyay Madaxweynaha Jabuuti Ismaaiil Cumar Geelle iyo shacabkiisa sida ay u garab taaganyihiin Ummada Soomaaliyed.
