Ha’yadda wadaniga ah ee Tadamun oo fulinaysa wajiga labaad ee mashruuca gurmadka degdega ah ee lagu caawinayo dadka Soomaaliyeed oo ay abaartu saameysay, ayaa howlo gurmad ah ka waddo degmada Buuhoodle ee gobolka Ceyn.
Ha’yadda, ayaa u qeybisay 300-Qoys raashin ka kooban Bur, Bariis, Sonkor, Siliid, Baasto iyo Timir, waxaana qoys kasta loo qoondeeyay 70-Kilogram.
Deeqdan oo ay bixisay dowladda Sacuudiga, ayaa waxaa u wakiil ugu ahaa hay’addan si u gaarsiiso dadka u baahan ee abaartu saameysay, waxayna hay’addu maalmihii u dambeeyay gargaar isugu jira raashin iyo biyo dhaamis ka qeybisay gobolada Bari, Sanaag, Sool, Gardafuu, Karkaar, Cayn iyo Mudug.
