Wararka naga soo gaaraya deegaanka Maamiye oo u dhaxeeya deegaanada Ceel-huur Iyo Camaara oo ka tirsan Degmada Xarardheere ee Gobalka Mudug ayaa waxay sheegayaan in duqayn xoog leh halkaasi lagula beegsaday Argagixisada Al-Shabaab.
Dadka deegaanka oo la hadlay Radio Muqdisho ayaa xaqiijiyay inay maqleen labo Jug oo aad u xoog badan ka dibna ay arkayeen Holac iyo Qiiq ka baxaya meel u dhow Saldhig Al-Shabaabku ay ku leeyihiin deegaanka Maamiye.
Sidoo kale dadka deegaanka ayaa Radio Muqdisho u sheegay in Gawaari ay leeyihiin Argagixisada Al-Shabaab xiligaasi ay ku sugnaayeen meel u dhow Saldhiga.
Dhanka kale Saraakiil ku sugan Gobalka Galgaduud ayaa inoo sheegay inuu jiro howlgalkaan oo ka dhacay Gobalka Mudug.
Saraakiisha ayaa ka gaabsaday inay faah-faahin ka bixiyaan sida uu u dhacay Howlgalka iyo khasaaraha ka dhashay.
17-kii Bishaan ayay ahayd markii xili habeen ah howlgal kan la mid ah laga sameeyay degmooyinka Jilib iyo Bu’aale oo Argagixiso Soomaali iyo Ajaanib isugu jirta ay ku dhuumaalaysanayeen.
