Cabdulaahi Sheekh Ismaaciil Fartaag, ayaa noqday senatarkii labaad oo ka mid noqda baarlamaanka Soomaaliya isagoo heley 71 cod ka dib markii uu u tanaasuley murashaxii la tartamayay oo ahaa Axmed Maxamed Jaamac.
Mudane Fartaag ayaa noqday senatorkii ugu horeeyay oo dib loo soo doorto, maamulka Jubaland ayaa maanta bilaabay doorashada aqalka sare ee baarlamaanka 11 aad.
Ilyaas Badal Gaboose ayaa ahaa senatarkii ugu horeeyay oo ka mid noqda baarlamaanka 11 aad ee dalka oo doorashada hadda socota lagu bilaabay.
Xildhibaanada dowlad goboleedka Jubaland ayaa maanta dooranaya affar senator oo kamid noqoneysa golaha aqalka sare ee baarlamaanka jamhuuriyadda federaalka Soomaaliya.
