Ciidamada dowlad gobaleedka Puntland ayaa dib ula wareegay degmada Qandala ee Gobalka Bari kaddib markii ay ka saareen maleeshiyada Argagixisada ah ee Daacish oo maalmihii dhawaa halkaasi ku sugnaa.
Ciidamada ayaa weerar labo dhinac ah ku qaaday degmadaan, iyaga oo ka galaya dhinaca Badda iyo Bariga, waxaana sidoo kale halkaas maleeshiyada ay ku gaarsiiyeen Khasaaro badan.
Maleeshiyada Daacish ayaa qabsaday magaalada Qandala bishii October 26-keedii, iyadoo aan wax iska horimaad ah ka dhicin xiligaas, kuwaasi oo inta ay ku sugnaayeen halkaasi dhibaatooyin u geystay dad rayid ah.
