Qaraxa ismiidaamin ah oo loo adeegsaday gaari walxaha qarxa laga soo buuxiyay ayaa goor dhaweyd fiid
nimadii caawa ah ka dhacay bar kontorool oo ciidamadu ku leeyihiin irridka hore ee madaxtooyada, taasoo ka soo horjeedda hotelka SYL ee magaalada Muqdisho.
Qaraxan ayaa sababay dhimasho iyo dhaawac soo gaaray askar iyo dadweyne ku sugnaa nawaaxiga goobta qaraxu ka dhacay, inkastoo aan si dhab ah loo ogeyn tirada dhimashada iyo dhaawaca ka dhashay qaraxani oo ahaa mid aad u xooggana.
Goobta qaraxu ka dhacay ayaa aheyd bar kortorool oo ay ciidamadu ku baaraan gaadiidka, waxaana gebi ahaan burbur xooggan uu soo gaaray dhismayaal iyo goobo ganacsi oo ku dhawaa halka qaraxu ka dhacay.
Dadkii ku dhaawacmay qaraxa ayaa loo qaaday qaar ka mid ah cisbitaallada Muqdisho si ay u helaan gurgaar caafimaad ee degdeg ah, dhaawaca ayaa isugu jiray qaar fudud iyo kuwo culus.
Ciidamada ayaa si weyn u adkeeyay ammaanka nawaaxiga goobta qaraxu ka dhacay iyo xarumaha kale ee dowladda.
Saraakiisha laamaha ammaanka ee dowladda ayaan weli war rasmi ah ka soo saarin qasaaraha ka dhashay qaraxaasi, uu fuliyay naftii hallige watay gaari walxaha qarxa laga soo buuxiyay.
Falalka isliidaaminta ah ee noocan oo kale ah ayaa looga bartay malleeshiyaadka UGUS kuwaasoo qaraxyo ka geysta goobaha ay dadku ku badanyihiin, iyagoo aan u aabayeelin dhibaatada soo gaareysa dadka rayidka ah.
Omar Hassan Khaire
