Qarax sababay dhimasho iyo dhaawac ayaa ka dhacay Al-baabka hore ee Hotel Jazeera, kaasi oo loo adeegsaday gaari walxaha qarxa laga soo buuxiyay.
Wararka laga helayo Hotelka ayaa tilmaamaya in gaariga uu ku qarxay banaanka kore, isla markaana uu ahaa nuuca iska rogaha loo yaqaan, ayna ku dhinteen shan qof, halka tiro intaa ka badan ay ku dhaawacmeen.
Hotelka ayaa waxaa deganaa Safaaradaha Shiinaha, Masar iyo Qatar, iyadoo ilaa iyo iminka la ogeyn qasaaraha dhabta ah ee ka dhashay qaraxa.
Ciidamada amniga ayaa gaaray goobta uu qaraxu ka dhacay, kuwaasi oo howlgallo ka wada halka uu qaraxu ka dhacay, isla markaana qorsheynaya inay ka hortagaan mid kale in halkaasi lagu soo weeraro.
