Wasiirka Caafimaadka xukuumadda Soomaaliya, Fowziya Abiikar Nuur, ayaa maanta shaacisay in xaalad kale oo labaad oo Cudur COVID-19 ah laga heley dalka, kaas oo ka dhigan in Soomaaliya laga diiwaan geliyay kiis labaad oo cudurkaas ah.
Waxay sheegtay in qofka laga heley xanuunka COVID-19 uu dhowaan dalka yimid isla markaana kamid ahaa dadka laga shakiyay ka dibna la baaray sidaasna lagu xaqiijiyay.
Wasiirka ayaa sheegtay in qofka laga heley cudurka COVID-19 hadda xaaladiisa degan tahay isla markaana aysan ka muuqan wax calaamad ah oo tilmaamaya cudurka.
