Kooxda Kubada Cagta Dekadda ayaa ku guuleysatay Horyaalka Heerka 1-aad ee Soomaaliya.
Dekada ayaa hanashada Horyaalka Soomaaliya ku Xaqiijisay Kulan ay la ciyaartay Kooxda Batroolka oo ayadana sidoo kale loo xaqiijiyay in u laabatay horyaalka heera labaad ee dalka kadib markii looga adkaaday 6-1 kulan ka dhacay garoonka Banaadir ee degmada Cabdi Casiis.
Dekadda ayaa ku guuleysatay horyaalka Soomaaliya wmarkii labaad oo is xiga waana markii ugu horeysay oo horyaalka Soomaaliya ay koox ku guuleysato laba jeer oo xiga 13-sano kadib.
2004-05 Kooxda Elman ayeey ahayd kooxdii ugu danbeyso oo horyaalka soomaaliya ku guuleysato laba xili ciyareed oo xiga waxaana rikorkaas barbareysay Kooxda Dekadda.
Dekadda ayaa xili ciyareedkii la soo dhaafay waxay ku guuleysatay horyaalka soomaaliya waxaana ay ahayd markii ugu horeysay oo Dekadda ay ku guuleysao horyaalka Soomaaliya 20-sano kadib kolkaasi ayaana sidoo kale ugu danbeysay in horyaalka soomaaliya ay ku guuleysato sadex kooxod oo kale duwan kolkaasi oo ay horyaalka ku guuleysatay Dekada.
Galabta ayeey u dabaal degtay horyaalnimada Soomaaliya kooxda Dekadda ayadoo sidoo kale Macalin Yuu Cali oo leyliya Dekadda uu kula guuleystay markii labaad oo is xiga.
Macalin Yuu Cali ayaa sidoo kale ku guuleystay horyaalka Soomaaliya ayada uu ciyaaryahan yahay iyo ayada uu Macalin yahay kooxaha Elman iyo Dekadda ayaa kula guuleystay Xilfadiisa Macalinimo halka Xiligii uu garoonka ku jiray-na uu kula guuleystay Kooxda Elman uu ku soo qaatay waqtigisii ugu wanaagsanaa guud ahaana Macalinimo iyo Ciyarayahan ahaan waxaa uu ku guuleystay Yuu Cali 8-Jeer Horyaalka Heerka Kowaad ee Dalkeena Soomaaliya.
Dekadda ayaa ku guuleysatay horyaalka Soomaaliya Markii afaraad tariikhda in ay dhisan markii ugu horeysay ayeey ku guuleysatay horyaalka 1984 markii labaad ayeey ku guuleysatay 1999-kii Markii Sadexaad waxaa ay ku guuleysatay 2017 iyo Markii afaraad oo ay ku guuleysatay 2018.
