Askar dhaawac ah oo ka tirsan ciidanka dalka Kenya ee qaybta ka ah hawlgalka nabad ilaalinta Midowga Afrika ee AMISOM ayaa la gaaarsiiyay cisbitaal ku yaala magaalada Nairobi.
Wasiirka Gaashaandhigga ee dalka Kenya, Rachael Omamo iyo saraakiil kale ayaa soo dhaweeyay askarta dhaawaca ah, wuxuuna sheegay in dowladda Kenya ay la xiriiri doonto ehelada askarta dhaawaca ah ee maanta la gaarsiiyay Nairobi, sida ay sheegtay, idaacadda BBC-da.
Sidoo kale wasiirka difaaca Kenya Rachael Omamo ayaa intaas ku dartay inuu wali socdo dagaalka Kenya ay kula jirto malleeshiyada Al-Shabaab, islamarkaana ay sii xoojin doonaan howlgalka ka dhanka ah Shabaab ee ka socda dalka Soomaaliya.
Askarta ayaa ku dhaawacantay dagaalkii deegaanka Ceel-cadde ee gobolka Gado laba maalmood ka hor ku dhexmaray ciidammada Kenya iyo malleeshiyadka Shabaab. inkastoo dowladda Kenya aysan weli shaacin qasaaraha ciidamadeeda ka soo gaaray dagaalkaasi.
