Ciidanka Nabad sugidda iyo Sirdoonka Qaran ee NISA ayaa howlgallo qorsheysan cagta ku mariyay goobo ay ku dhuumaleysanayeen gaar ahaan Dhulka howdka ah ee hoostaga Deeganka Dhagaxow ee Gobalka Shabeelaha dhexe.
Howlgalkan oo uu Hoggaaminayay Taliyaha Ciidanka gaarka ah ee kumaandooska NISA Gaashaanle Bashiir Daahir Faarax ayaa Warbaahinta Qaranka u sheegay in howlgalkaasi ay ku dileen in ka badan 20 dhagarqabe oo Ka tirsanaa Khawaarijta, iyagoo Ciidamadu ay Nafta dhaafiyey Hoorjooge lagu magacaabo (Busuri Xasan Axmadey) iyo Ilaaladiisa.
Horjoogaha ay cidamadu khaaeajiyeen ayaa Khawaarijta u qaabilsanaa lacagaha baadda ah oo ay shacabka ka qaadaan, waxaana geesiyaasha Qaranku ay howlgalka ku dhaawaceen Horjooge Ciise Uboow oo isna Khawaarijta uqaabilsanaa weerarada iyo arbushaadda.
Ciidanka Hay’adda Sirdoonka iyo Nabad Sugidda Qaranka ayaa wado howlgallada lagu baacsanayo firxadka kooxda si ay gabi ahaanba halkaasi uga sifeyaan Khawaarijta caadeysatay daadinta Dhiigga Shacabka.
