Taliska Daraawiishta degmada Qoryooley ee Gobolka Shabeelaha Hoose ayaa soo bandhigay dhagarqabe ka tirsan kooxda Argagixisada oo ay gacanta ku soo dhigeen.
Dhagarqabahan ayaa Nabad-diidka uqaabilsanaa qeybta miinooyinka, waxa uuna qirtay inuu fuliyay qaraxyo uu ku kala aasay Janaale, Bariire, Sabiid, Afgooye iyo Ex kontorol Afgooye, kuwaas oo Argagixisada arxanka daran ay ku gumaadeen shacab masaakiin ah.
Taliska Daraawiishta Qoryooley ayaa sheegay inay Dhagarqabahan gacanta ku soo dhigeen, isagoo ku wajahan Magaalada Muqdisho si uu miinooyin ugu farsameeyo kadibna qaraxyadaas ufuliyo.
