Ciyaarahaan ku saabsanaa Isdhexgalka iyo isfahamka bulshada Magaalada Kismaayo ee Xaruunta gobolka jubbada hoose ahna xaruunta ku meel gaarka ah ee jubbalnd ayaa markii ugu horeesay xili habeen ah lagu qabtay Xalay Magaaladaasi.
Munaasabada furitaanka Ciyaarta ayaa waxaa ka soo qeyb galay Mas,uuliyiin ka tirsan Maamulka Jubbaland Soomaaliya kuwaas oo sheegay in ay tahay mid loo baahan yahay isdhexgalka bulshada si looga hor tago afkaaraha maleeshiyaadka nabad iyo nolal diidka ah ee Al shabaab.
Wasiirka Wasaaradda Ciyaaraha iyo dhalinyarada Maamulka Jubbaland C/waaxid Maxamed yare oo la hadlay Radio Muqdisho Codka Jahmuuriyadda Federaalka Soomaaliya ayaa sheegay in Wasaaraddu ku guulasatay qabashada Ciyaaraha ku aadan isdhexgalka bulshada ayna sii wadi doonto horumarinta iyo kor u qaadista Ciyaaraha deegaanada hoos yimaada Maamulkaasi.
Halkaan hoose ka dhageyso Wareysi Wasiirka:
