Wararka ka imaanaya Gobolka Hiiraan ee bartamaha Dalka ayaa ku soo waramaya in Dagaal u dhaxeeya dad shacab ah iyo maleeshiyaadka Al-shabaab uu ka dhacay deegaano ka tirsan Gobolka Hiiraan.
Dagaalkaan ka dhacay Gobolka Hiiraan ayaa imaaday ka dib markii maleeshiyaadka nabad iyo nolal diidka ah ee Al-shabaab ay isku dayeen in ay boobaan xoolo ay lahaayeen muwaadiniinta Soomaaliyeed ee ku nool deegaanada miyigaa hasayeeshee shacabka ayaa ka dhiidhiyay falalka guracan ee maleyshiyadu ku hayaan bulshada.
mid ka mida dadka deegaanka ee dagaalka la galay maleeshiyaadka nabad iyo nolal diidka ah ee Al-shabaab oo la hadlay Radio Muqdisho Codka Jamhuuriyadda Soomaaliya ayaa sheegay in dagaal xoogan oo ay la galeen nabad diidka Al-shabaab ay kaga dileen horjoogayaal ka tirsanaa maleeshiyaadka nabad diidka Al-shabaab.
Halkaan Hoose ka dhageyso Codka:
