Related posts
Wararka Maanta ka Imaanaaya Gobolka Shabeelaha Hoose ayaa kusoo waramaayaย in Duqeymo Diyaaradeed ay ka dhaceen Deegaanada Tooratoorow iyo Kuunyo Barow oo ka wada tirsan Gobolka Shabeelaha Hoose.
Weerarkaan oo ay geysteen Diyaarado Dagaal ย ayaa lala Beegsadayย Hortjoogayaal iyo Maleeshiyaad u Dagaalama Nabad diidka Alshabaab ee ku sugnaa Deegaano yar yar oo ka tirsan Gobolka Shabeelaha hoose.
Bashiir Maxamed Yuusuf ย oo ah Gudoomiye ku xigeenka Dhanka Amniga Degmada Baraawe ee Gobolka Shabeelaha Hoose oo la Hadlay Radio Muqdisho Codka Jahmuuriyada Soomaaliyaย ayaa sheegay Inay Duqeymahaan oo ay gaysteen Diyaarado Dagaal lala Beegsaday Saraakiil ka tirsan Maleeshiyaadka Nabad diidka ah Al shabaab.
Dhanka kale Bashiir Maxamed yuusufย ย oo hadalkisa sii wata ayaa tilmaamay inay Maleeshiyaadka Al shabaab ay ku badan yihiin Gobolka Shabeelaha Hoose taasina ay soo celcelinayso Duqeymaha joogtada ah eee Gobolka Shabeelaha Hoose.
Maleeshiyaadka Nabad didka ah ee Alshabaab ayaa wali haraadigoodu ku harsan yihiin Deegaano hoos yimaada maamulka koonfur galbeed Soomaaaliya ee Fadhigiisu yahay Magaalada Baydhabo ee Xaruunta Gobolka Baay.
Weerarkaan Shabeelaha hoose ayaa ka mid noqonaya Gulufka Dagaal ee Dowladda Federaalka Soomaaliya kula jirto Maleeshiyaadka Nabad diidka ah ee Al shabaab.
Ciidamada Gaarka ah ee Dowladda Federaalka Soomaaliya iyo Ciidamo maraykan ah ayaa inta Badan waxaa Weeraro qorshaysan oo lala Beegsado Xaruumaha Maleeshiyaadka Al shabaab ku leeyihiin Deegaano fara ku ย tirisa oo dhaca Koonfurta ย iyo Bartamaha Soomaaliya waxaana ka mid ah Weerarkaan ka dhacay Gobolka Shabeelaha hoose kaasoo lagu qaaday gaadiid ay la socdeen Saraakiil Ciidan oo ka tirsanaa Maleshiyada Al shabaab.
halkaan hoose ka dhageysoย Bashiir Maxamed Yuusuf:
