Magaalada Baydhabo ee Xaruunta Gobolka Baay ahna Xaruunta ku KMG ah ee Maamulka Koonfur galbeed Soomaaliya waxaa Xalay ka kacay Dab.
Dabkaan ayaa ka kacay Suuq lagu magacaabo ulaay kuna yaala bartamaha Magaalda waxaana ka dhashay Khasaare hantiyadeed kaasoo dhamaanba saameeyay goobihii Ganacsi ee ku yaalay halkaasi.
Maamulka Degmada Baydhabo ee Xaruunta Gobolka Baay ayaa ku guulaystay Xakamaynta iyo daminta dabka ka kacay Suuqa Magaalada Baydhabo.
Wariyaha Warbaahinta Qaranka ee Magaalada Baydhabo Siraaji sheikh Isxaaq ayaa soo sheegaya in lagu guulaystay dabka iyadoona Maamulka iyo Shacabka oo iskaashaanaya ay ku guulaysteen Xakamaynta dabka.
Inta badan Magaalada Caasimada ah ee Muqdisho iyo Gobolada Dalka ayaa waxaa ka dhaca dabab khasaare uu kasoo gaaro Xaruumaha Ganacsi ee Dalka kaasoo loo aaneeyo in aysan Bulshada Soomaaliyeed ku baraarugsanayn ama aysan ku quusqaadan kala fagaynta dabka iyo Goobaha Ganacsi.
Halkaan hoose ka dhageyso Codka Warhiyaha:
