Wasiirka Amniga Maamulka Koonfur galbeed Xasan Xuusen Maxamed “Xasan eelaay” oo la hadlay Radio Muqdisho Codka Jahmuuriyadda Soomaaliya ayaa faah faahin dheeraada ka bixiyay Maleeshiyaad ka tirsanaa Nabad diidka Al shaab kuwaa soo shalay isku dhiibay Ciidamada Xoogga Dalka Soomaaliyeed iyo kuwa Maamulka koonfur galbeed.
Xasan Xuusen Wasiirka Amniga Koonfur galbeed Soomaaliya ayaa sheegay in Ragaan ka tirsanaa nabad diidka Argagaxisada Al shabaab ee isku soo dhiibay Ciidamada Xoogga ay u adkaysan waayeen falalka guracan ee maleeshiyadu ka wadaan Dalka.
Wasiirka ayaa tilmaamay in ay soo dhaweynayaan Ciidamada Xoogga Dalka Soomaliyeed iyo kuwa Maamulkoodu cidkasta oo kasoo baxaysa Argagaxisada Al shabaab isagoona ugu baaqay in ay ka tanasulaan fikirka xagjirka ah ee ay ku dhaqmaan maleeshiyaadku.
Ciidamada Xoogga Dalka Soomaaliyeed oo kaashanaaya Ciidamo Cadaana ayaa bilahaan waxaa ay deegaano dhaca koonfurta iyo bartamaha Dalka ka fuliyeen duqeymo diyaaradeed kuwaa soo la rumaysan yahay in lagu dilay Horjoogayaal iyo maleeshiyaad ay wadeen oo ka tirsanaa Nabad diidka Al shabaab.
Halkaan hoose ka dhageyso Codka Wasiirka:
