Xildhibaan Maxamed Cumar Dalxa oo ka tirsan golaha shacabka Federaalka Soomaaliya ayaa baaq u diray Maamulada Soomaaliland iyo Puntland oo maleeshiyaad kala taabacsan ay maalmihii lasoo dhaafay Dagaal ku dhexmaray deegaanka Tukaraq ee Gobalka Sool.
Maxamed Cumar Dalxa mudanahaan ka tirsan golaha shacabka Somaaliya wareysi uu siiyay Radio Muqdisho Codka Jamhuuriyadda Soomaaliya ayuu baaq nabadeed ugu diray dhinacyada Soomaaliland iyo Puntland in ay Dagaalka ku dhexmaraya deegaanka Gobalka Sool ay joojiyaan dirirta ay ku dhimanayaan muwaadiniinta Soomaaliyeed ee u hubaysan qaab qabaa,il.
Xildhibaanka ayaa sheegay inaan iminka Soomaaliya u baahnayn Dagaal sokeeye oo ay ku dhintaan wiilal Soomaaliyeed iyo in Dalku dib ugu laabto colaado sokeeye isagoona tilmaamay in bulshada Soomaaliyeed ay dhibaato ugu filan tahay falalka maleeshiyaadka nabad iyo nolal diidka ah ee Al shabaab ku haayaan.
Baaqaan Xildhibaan Maxamed Cumar Dalxa ee ku aadan joojinta Dagaalka Maalmihii dambe ka socday deegaanka Tukaraq ee Gobalka Sool ayaa qeyb ka ah Baaqyada Madaxda Qaranka Soomaaliyeed u dirayaan Maamulada Soomaaliyeed ee Soomaaliland iyo Puntland.
Halkaan Hoose ka dhageyso Codka Xildhibaan Dalxa:
