Magaalada Garoowe ee Xaruunta Maamulka Puntland ahna Caasimadda Gobolka Nugaal ayaa Waxaa lagu soo gaban gaba gabeeyay Shirkii looga hadlayay Xoojinta iyo ka faa’idaysiga kaluumaysiga iyo khayraadka Badaha Soomaaliya.
Shirkaan ayaa u dhaxeeyay Wasaaradda Kaluumaysiga iyo Khayraadka iyo khayraadka Bada xukumadda Federaalka Soomaaliya iyo Wasaaradaha heer maamul Goboleed ee Soomaaliya.
Wasiirka ku Xigeenka Wasaaradda Kaluumaysiga iyo khayraadka Bada Xukumada Federaalka Soomaaliya C/laahi Cumar Abshirow ayaa sheegay in ka go,an tahay wasaaradda Kaluumaysiga xoojinta iyo kobcinta aqoonta dadka ku lugta leh Xirfadda kaluumaysiga Soomaaliya.
C/laahi Cumar Abshirow oo ka qeyb galay shir dhawaan ka dhacay Magaalada Garoowe ee Caasimadda Maamulka Puntland ayaa tilmaamay in qeyraadka ku jira Badada Soomaaliya uu yahay mid buuxa laakiin u baahan aqoontii ay ku Isticmaali lahaa taasina ay hada ku howlan tahay Wasaaradda Kaluumaysiga Soomaaliya.
Wasiirka ayaa soo hadal qaaday in ay jiraan Shirkado ajaanib ah oo ku howlan Xaalufinta kheyraadka Soomaaliya maadaama Wadanka Soomaaliya uu yahay meel uu qeyraad uu ka buuxo
Halkaan hoose ka dhageyso Codka Wasiirka:
