Taliyaha Ciidamada AMISOM ee Soomaaliya jooga Generalka Cismaan Nuur Subagle oo la hadlay Warbaahinta Qaranka ayaa faah faahin guulaha ay ka gaareen Dagaalka ay kula jiraan Maleeshiyaadka nabad iyo nolal diidka ah ee Al shabaab.
Generalka Cismaan Nuur Subagle Taliyaha Ciidamada AMISOM ee howlgalka midowga Africa ee Soomaaliya wareysiga uu siiayay warbaahinta Qaranka Soomaaliyeed ayuu ku sheegay in ay wadashaqeyn wanaagsani ka dhaxeyso Ciidamada AMISOM iyo Ciidamada Xoogga Dalka Soomaaliya taasina ay u suurto galisay in Maleeshiyaadka nabad diidka ah ee Al shabaab laga saaro inta badan Dalka.
Taliyaha Ciidamada AMISOM ee Soomaaliya jooga Generalka Cismaan Nuur Subagle ayaa soo hadal qaaday qorshayaasha Ciidamada AMISOM ay kaga baxayaan Soomaaliya isagoona qeexay in ay ka go,an tahay ka bixitaanka Soomaaliyaa marka aamnka guud ee Dalka ay ku wareejiyaan Ciidamada Xoogga Dalka Soomaaliyeed taasi ay hada socoto qorshahooda.
Taliyaha Ciidamada AMISOM ee Soomaaliya Subagle ayaa sheegay in ay jiraan caqabado maleeshiyaadka nabad iyo nolal diidka ah ee Al shabaab ku hayaan muwaadiniinta Soomaaliyeed Dagaalkooduna uu yahay mid is babadala laakiin ay ka warqabaan Ciidamada Xoogga Dalka Soomaaliyeed iyo kuwa AMISOM qorshe kasta oo ay la yimaadaan Argagaxisada Al shabaab.
Halkaan hoose ka dhageyso Generalka Cismaan Nuur Subagle:
