Ururka horumarinta dhalinyarada Soomaaliyeed Dosyo ayaa maanta tababar ku aadan go’aan qaadashada nolosha ugu qabtay magaalada muqdisho qaar ka mid ah dhalinyarada Soomaaliyeed .
kulanka waxaa ka qeyb-galay aqoonyahanno, dhalinyaro ka kooban wiilal iyo gabdho waxaana inta badan diirada lagu saarayay habka saxda ah ee go’aan qaadashada nolasha kaasi oo ahaa mowduuca isla markaana dhalinyarada ay u baahanyihiin.
Prof Salaad Shacbaan Xuseen oo ah aqoonyahan Soomaaliyeed isla markaana shahaadada master degree ka soo diyaariyey dalka dibadiisa ayaa ka mid ahaa aqoonyanada bixinayay tababarka waxaana uu dhalinyarada ku booriyay in dhalinta looga baahanyahay inay hami yeeshaan si ay hormar ugaaraan.
Guddoomiyaha ururka horumarinta dhalinyarada Soomaaliyeed Dosyo Abuukar Shuute xuseen ayaa sheegay ururkaan waqti walbo u taagan yihiin muujinta dareenka dhalinyarada Soomaaliyeed isla markaana ay siwadayaan tababarada noocaan oo kale ah.
