Wararka uu Radio Muqdisho ka helayo deegaanada Miiga ah ee gobolka Hiiraan ayaa sheegay dhalinyaro is abaabulay oo xoola dhaqata ah in ay dagaal kala hor tageen Maleeshiyaad ka tirsan Kooxda Al shabaab kuwaas oo dhawr jeer xoolo uga qaatay wax ay ku sheegeen Sako,
Waxaana iska hor imaadyo dhawr ah ay ka dheceen deegaano hoos yimaada Degmada Maxaas ee gobolka Hiiraan halkaas oo lagu soo waramayo in qasaaro dhimasho iyo dhaawacba uu kala gaaray Maleeshiyaadka dagaalay ee Al shabaab iyo dadka deegaanka.
Goob joogayaal la hadlay Radio Muqdisho ayaa sheegay dhawr mar weeraro dhexmaray dadka deegaanka iyo Maleeshiyada Al shabaab in qasaaro loogu gaystay Kooxda Al shabaab,
Maaddaama dhalinyarada deegaanka ay aad u kala yaqaanaan dhulalka Baadiyaha ah ee ay shabaab kula dagaalameen, iyagoo ku dhawaad 10 maleeshiyaadka Al shabaabna lagu dilay weeraro kala duwan oo dhacay todobaadkii ina dhaafay.
Dhinaca kale maanta magaalada Baladweyne ee xaruta gobolka Hiiraan, waxaa la soo gaarsiiyay Dhaawaca ilaa 5 ka tirsan dhalinyaradii deegaanka ee Al shabaabka la dagaalamay kuwaas oo hada dhaawacyadooda lagu daweynayo Cusbitaalka guud ee magaalada B/weyne.
Xildhibaan nuur Iidoow Beyle oo ka mid ahaa xubno Barlamanka Soomaaliya ka tirsan oo maanta ku booqday Dhaawacyadaasi Cusbitaalka magaalada B/weyne ayaa sheegay in xildhibaan ahaan ay gacan siin doonaan dadka deegaanka maaddaama ay xaq u dirir yihiin.
Ciidamada Xoogga dalka Soomaaliyeed ee gobolkaasi iyo kuwa midowga Africa ee Amissom ayaa hadda gobolkaasi ka wada dhaq dhaqaaqyo Ciidan kuwaas oo jeedkoodu yahay sidii gobolka looga saari lahaa guud ahaan argagixisada Al shabaab oo hada dhulal Baadiyaha ku dhuumanayay halkaas o shacabkana ay ku dhibaateeyaan si ka hor inta aan la dhisin maamulka labada gobo lee Hiiraan iyo shabeelada dhexe gobol u uxor uga ahaadoAl qaaidda.
Sawir qaade: Xasan Kaafi
