Ururada dhalinyarada kala duwan ee ka jira degmada Buuhoodle ayaa maanta deeq raashina ah gaarsiiyay dad dhawaan ka barakacay dagaal beleed ka dhacay tuulada Dharkayngeenyo oo hoos timada gobolka Sool.
Munaasabaddi deeqdaasi lagu wareejinayay waxa ka hadlay Cabdale Axmed Ruwte oo ka mid aha dhalinyaradii soo deeqdaasi soo uruurisay ayaa sheegay in raashinkan ay ugu talagaleen iney ku caawiyaan dadka ka barakacay colaadda iyadoo lagu jiro bisha barakeysan ee Ramadan.
“Waxaan maanta gaarsiinay caawimo kala duwan boqol qoys oo dhawaan ka barakacay dagaal beeleedyo ka dhacay tuulada Dharkayngeenyo waxaan halkaas ku soo aragnay dad aad u dayacan oo u baahan gar gaar deg deg ah” ayuu yiri Cabdale Axmed Ruwte.
Sidoo kale waxaa isna halkaas ka hadlay Nasiib C/casiis oo codsaday in daadkaas lala soo gaaro cunto iyo biyo anaguna waxaan nahay dhalinyaro iskood isku taagtay inay gar gaar la garaan walaalohooda dhibataysan.
Maxamed Cali Bile Buuhoodle
