Related posts
Dhallinyaro Soomaali ah oo ku xiran Wadanka Sudaan ayaa ka codsaday madaxda Dawladda Soomaaliya inay gacan ka gaystaan sidii ay dib markale u heli lahaayeen xoriyaddooda, iyagoo sheegay inay xaalad beni’aadanimo tii ugu darneyd ay ku heysato xabsiyada dalka Sudan.
Qaar ka mid ah dhallinyarada ku xiran xabsiyada oo intooda badan la soo qabtay meelaha saxaraha, iyaga oo doonaya inay halkaasi ka sii gudbaan ayaa sheegay in qaarkooda ay qabaan dhaawacyo soo gaaray markii ay ka gudbayeen xadka Ethiopia uu la wadaago Sudan.
Gabdho ku xiran xabsi ku yaala Sudan kana mid ah dhallinyarada la soo qabtay oo la hadlay Radio Muqdisho ayaa sheegay in ay gaarayaan 40 gabdhood, kuwaasi oo aan heysan daryeel caafimaad iyo wax ay cunaan, isla markaana ay iminka ku jiraan xaalad adag oo xagga noloshada ah, iyagoo xusay in haddii aysan helin gurmad dhinac waliba leh oo ay ugu horeysa in xabsiyada laga sii daayo ay xaaladooda qatar ku sugantahay.
Dhallinyaradan ayaa madaxda dowladda ka codsaday in xabsiga la siiyo, maadaama ay qaarkooda ku dhawaad sanad ay ku xiranyihiin dalka xabsiyada dalka Sudan.
Halkan ka dhageyso xaaladda gabdhaha ay ku suganyihiin
