Kulankan lagaga arrinsanayey dhamaystirka mashruuca waddada halbowlaha ah ee magaalada Buuhoodle oo ay soo qaban qaabisay hay’adda DDG ayaa ka dhacay Hotel Abdi Guray Plaza ee magaalada Buuhoodle.
Waxaa kulankan kas qayb galay isimo, waxgarad, culuma’uwdiin, haween, qaybaha kala duwan ee bulshada iyo weliba sidoo kale mas’uuliyiin ka tirsan hay’adda DDG.
Kulanka waxaa ka hadlay gudomiyaha hay’adda DDG ee Buuhoodle khadar Maxamud oo sheegay in hey’addu ay dowr muuqda ka qaadaneyso dhameystirka waddadam.
“Airportkii iskagana majarafad iyo gudin iyo gacanba intaad ula tagteen waad fasheen iyadoon kacaan iyo dowladd idiinma samayn gacantiina ayaad ku samaysateen ta afraad iyana waxa weeye Jaamacad in ay leedahay mansha allah Jaamacadiina qabyaba ha ahaatee waa inoo furan dufcadii ugu horeysayna dhawaan ayey ka baxaysaa iyana illaahay mahadeeda ka sokow idinka ayaa iska leh” ayuu yiri Khadr Maxamuud
Waxaa isna halkaasi ka hadlay Caaqil Xasan Xaaji Haaruun oo ka mid ahaa wax garadka kulanka ka qeyb galay oo soo dhaweyeey howlahani dhismaha wadada laamiga ah hay’adda DDG iyo mashaariicda ay ka bilaabayso Buuhoodle ayaa yiri “Waan soo dhoweynaynaa shirkadda noo soo qal qaalisay in ay wax loo qabato in ay laami nooga dhigto aad iyo aad ayaan u soo dhowaynaynaa”.
