Xabad joojintan ay Golaha Ammaanka Qm ay ku baaqeeyn in laga dhaqangeliyo Syria ayaa ujeedkeedu yahay sidii looga fogaan lahaa waxyeelada dadka shacabka ah ee dalkaasi.
Golaha Ammaanka ee Jimciyadda Qurumaha ka dhexeysa ayaa go’aankaasi gaaray kadib shir deg deg ah oo ay k ayeesheen arrimaah Syria.
Dhanka kale Labada kooxood ee ugu waawayn falaagada Suuriya ee gacanta ku haysa Quudada Bari ayaa soo dhaweeyey qaraarka Golaha Ammaanka ee Qaramada Midoobay soo saaray ee ku baaqaya in Suuriya oo dhan laga dhaqan geliyo xabad joojin aadamenimo oo soddon maalmood ah.
Kooxahan ayaa sameeyey ballan qaad ah in ay ilaalin doonaan kolonyooyinka gargaarka sida ee geli doona goobtaa go’doonsan ee ku taal bariga magaalada Dimishiq ee caasimadda Syria,si loogu gurmado shacabka.
Waxaa lafilayaa in Goor dambe oo maanta ah madaxweynaha Faransiiska, Emmanuel Macron, iyo ra’isal wasaaraha Jarmalka, Angela Merkel, ay dhaqan gelinta xabbad joojintan kala xaajoodaan madaxweynaha Ruushka, Vladimir Putin maadaama uu galaan gal xoogan oo ku leeyahay arrinta Syria.
Geesta kale Dan jiraha Maraykanka u fadhiya Qaramada Midoobay, Nikki Haley, ayaa sheegtay in ay ka shakisantahay in milatariga Suuriya u hogaansami doono xabad joojinta iyo in kale, waxa aanay sida oo kale ku dhaleecaysay Ruushka dib u dhaca in xabad joojintaa cod lagu meel mariyo.
